Монтажник ТТ

Описание

--------------------------------------------------------------------------------

ҚАРЫЗ АЛУШЫНЫҢ ӨМІРІН ЖИНАҚТАУШЫ ЕМЕС САҚТАНДЫРУ БОЙЫНША АКЦИЯ ӨТКІЗУ ЕРЕЖЕСІ

І. ЖАЛПЫ ЕРЕЖЕЛЕРІ
1. Осы Ереже өмірді сақтандырумен кепілсіз кредит ресімдеген қарыз алушылар арасында Өмірді жинақтаушы емес сақтандыру бойынша акция (бұдан әрі - Акция) өткізу тәртібі мен талаптарын белгілейді.
Акция жеңімпаздары осы Ережеде баяндалған критерийлерге сәйкес айқындалатын болады.
2. Осы Ережеде пайдаланылатын жалпы ұғымдар:
Банк - АҚ.
Акцияны ұйымдастырушы - өмірді сақтандыру компаниясы>> АҚ (БСН 240740030055) (бұдан әрі - ), орналасқан мекенжайы: Қазақстан Республикасы, Алматы қ., Достық даңғ., 188.
Жеңімпаз - осы Ережеде көзделген қатысудың барлық талаптарын орындаған және белгіленген тәртіппен жеңімпаз деп танылған Акцияға қатысушы.
Жүлделер - осы Ереженің талаптарына сәйкес Ұйымдастырушы жеңімпаз деп танылған Акцияға қатысушыларға беретін Ереженің 4-бөлімінде көрсетілген тауарлар (алтын құймасы).
Акцияға қатысушылар - сы Ереженің барлық талабын орындаған 21 жасқа толған, Қазақстан Республикасының азаматы болып табылатын жеке тұлға.
Акцияның мақсаты - Акция қарызды ресімдеген кезде клиенттерді өмірді сақтандыру шартын жасасуға ынталандыру мақсатында жүргізіледі.
3. Акция тиісінше Қазақстан Республикасының Заңына және Қазақстан Республикасының Заңына сәйкес мәні және анықтамасы бойынша құмар ойын және/немесе лотерея болып табылмайды. Акцияға қатысу үшін ақы алынбайды.
4. Акцияға мыналар қатыса алмайды және қатыспайды: Қазақстан Республикасының резидент емес тұлғалар, Акцияны Ұйымдастырушының үлестес тұлғалары, Банк қызметкерлері және банктік қарыз шарты жасалған күннен бастап күнтізбелік 14 (он төрт) күн ішінде кредитті қайтаруды ресімдеген қарыз алушылар.
5. Акция өткізілетін аймақ - Қазақстан Республикасы.

II. АКЦИЯНЫҢ ЖҮЛДЕ ҚОРЫ:
1. Акцияның жалпы жүлде қоры - 6 000 000 (алты миллион) теңге. Барлығы -- Қазақстан Республикасындағы барлық филиал бойынша 9 жеңімпаз.
2. Жүлде қоры Ұйымдастырушының есебінен құрылады.
3. Ұйымдастырушының шешімі бойынша ұлғаю жағдайларын қоспағанда, Акцияның жүлде қорының жалпы сомасы Акцияны өткізудің бүкіл кезеңі ішінде өзгермейді.
4. Акцияны өткізу кезеңі: 2026 жылғы 01 сәуірдегі 00 сағат 00 минуттан бастап 2026 жылғы 30 маусымдағы 23 сағат 59 минутқа дейін (бұдан әрі - )
Акция 3 (үш) кезеңмен өткізіледі:
- бірінші кезең: 2026 жылғы 1 сәуірден бастап қоса алғанда 2026 жылғы 30 сәуірге дейін.
- екінші кезең: 2026 жылғы 1 мамырдан бастап қоса алғанда 2026 жылғы 31 мамырға дейін:
- үшінші кезең: 2026 жылғы 1 сәуірден бастап қоса алғанда 2026 жылғы 30 маусымға дейін:
Әр кезеңде 3 (үш) жеңімпаз анықталады.

III. АКЦИЯҒА ҚАТЫСУ ТАЛАПТАРЫ:
1. Акцияға қатысу үшін қатысушы:
- Акция өткізілетін кезең ішінде bcc.kz қолданбасында немесе ЦентрКредит Банкінің бөлімшесінде кредит сомасы бойынша шектеусіз өмірді сақтандырумен кепілсіз кредит ресімдеуі тиіс.
2. Бір қатысушы Акцияның әр кезеңінде бір рет қана бір жүлде алуы мүмкін.
Ұтыс ойынның үшінші (финалдық) кезеңінде ресімделген қарыздардың сомалары бойынша мынадай саралау қарастырылған:
салмағы 5 грамм 1 алтын құйма - 60 000 - 999 999 теңге сомасына қарыз алған қарыз алушылар арасында;
салмағы 10 грамм 1 алтын құйма - 1 000 000 - 2 999 999 теңге сомасына қарыз алған қарыз алушылар арасында;
салмағы 20 грамм 1 алтын құйма - 3 000 000 - 8 000 000 теңге сомасына қарыз алған қарыз алушылар арасында.
3. Акцияға қатысу үшін мыналар есепке алынбайды:
- Акция өткізілетін кезеңде аяқталған шарт;
- банктік қарыз шарты жасалған күннен бастап күнтізбелік 14 (он төрт) күн ішінде кредитті қайтаруды ресімдегендер;
- Акция өткізілетін кезеңнен тыс уақытта жасалған шарт;
- сақтандыру төлемі жүргізілген шарт.

IV. ЖҮЛДЕЛЕР ҰТЫС ОЙЫНЫН ӨТКІЗУ ТӘРТІБІ.
1. Тиісті кезеңде сақтандыру шартын жасасу талабында бір қатысушы акцияның әр кезеңінде бір рет қана тіркеле алады.
2. Бірінші кезеңде жүлделер ұтысына қатысушы осы сақтандыру шартымен финалдық кезеңді қоспағанда, келесі кезеңдерге қатысуға жіберілмейді.
3. Ұтыс ойынының үшінші (финалдық) кезеңіне алдыңғы кезеңдердің жеңімпаздарынан басқа (егер компания саясатында өзгеше көзделмесе) Акция өткізудің бүкіл кезеңі ішінде сақтандыру шарттарын жасасқан барлық қатысушы қатысады.
4. Акция жеңімпаздарын Ұйымдастырушы Instagram желісіндегі centercreditkz ресми парақшасында тікелей эфирде ұтыс ойын өткізілетін сәтте осы Ереженің талаптарын толық орындаған Акция Қатысушылардың жалпы тізімінен кездейсоқ сандарды генерациялай отырып, ұтыс ойынды өткізіп, кездейсоқ таңдау арқылы анықтайды. Акция ұтыс ойынының 3 (үш) кезеңін өткізуді көздейді:
1-кезең - Ұтыс ойынның 1 (бірінші) кезеңінің жеңімпаздары 01.04.2026 ж. - 30.04.2026 ж. кезең аралығында өмірді сақтандырумен кепілсіз кредитті ресімдеген кезде өмірді жинақтаушы емес сақтандыру шартын жасасқан Банктің барлық клиенті арасында 2026 жылғы 20 мамырда анықталады;
2-кезең - Ұтыс ойынның 2 (екінші) кезеңінің жеңімпаздары 01.05.2026 ж. - 31.05.2026 ж. кезең аралығында өмірді сақтандырумен кепілсіз кредитті ресімдеген кезде өмірді жинақтаушы емес сақтандыру шартын жасасқан Банктің барлық клиенті арасында 2026 жылғы 19 маусымда анықталады;
3-кезең - Ұтыс ойынның 3 (үшінші) кезеңінің жеңімпаздары 01.04.2026 ж. - 30.006.2026 ж. кезең аралығында өмірді сақтандырумен кепілсіз кредитті ресімдеген кезде өмірді жинақтаушы емес сақтандыру шартын жасасқан Банктің барлық клиенті арасында 2026 жылғы 20 шілдеде анықталады;
4. Акцияның жүлде қоры Ереженің 2-бөлімінің 1-тармағына сәйкес ұйымдастырушының қаражаты есебінен қалыптастырылады және мынадай жүлделерді қамтиды:

Жүлденің атауы
Саны, дана
Салмағы 5 грамм алтын құйма
7
Салмағы 10 грамм алтын құйма
1
Салмағы 20 грамм алтын құйма
1
Барлығы:
9






V. ЖҮЛДЕЛЕРДІ АЛУ ТӘРТІБІ.
1. Банктің жауапты бөлімшесі Жеңімпаздарды қарыз шартын ресімдеген кезде жеңімпаз көрсеткен байланыс нөміріне қоңырау шалып, ұтыс туралы хабардар етеді. Жеңімпаздар анықталған күннен бастап 5 (бес) жұмыс күні ішінде Ұйымдастырушы осы Ереженің IV бөліміне сәйкес Акция Жеңімпазына тапсыру үшін сыйлықты тиісті бөлімшеге/филиалға жібереді.


2. Банк немесе Ұйымдастырушы ұтыс ойын өткізілген күннен бастап 10 (он) жұмыс күні ішінде Клиент көрсеткен байланыс деректері бойынша оны таба алмаса, Жеңімпаздың жүлде алу құқығы жойылады. Бұл жағдайда жүлде кезектілік тәртібімен қалыптастырылған тізімге сәйкес резервтік жеңімпаздардың біріншісі алады.


3. Акцияны Ұйымдастырушы немесе Банк жеңімпазды анықтау процесін қайталауға құқылы. Ұйымдастырушының сауалы бойынша Жеңімпаз келесі ақпаратты мессенджер немесе электрондық пошта арқылы беруге міндеттенеді: Аты-жөні, жеке куәлігі, пошталық индексі көрсетілген нақты тұратын мекенжайы, байланыс телефоны, электрондық пошта мекенжайы.

4. Жүлдені тапсыруды Банктің жауапты жұмыскері Банк филиалының офисінде жеңімпаздың қолына жеке беру арқылы жүзеге асырады.

5. Жүлдені алған кезде Жеңімпаз өзінің жеке басын куәландыратын қолданыстағы құжатты ұсынуы, қабылдау-өткізу актісіне қол қоюы және Жүлдемен бірге суретке түсуі тиіс.
6. Жеңімпаз жүлдені алудан бас тартқан немесе Ұйымдастырушыға байланысты емес себептермен жүлдені беру мүмкін болмаған жағдайда, жүлде талап етілмеген деп танылады және Жүлдені кезектілік тәртібімен қалыптастырылған тізімге сәйкес резервтегі жеңімпаздардың біріншісіне тапсыратын немесе оны кейін акцияларды өткізу үшін пайдаланатын Ұйымдастырушының иелігінде қалады.

VI. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ.

1. Ұйымдастырушы Ұйымдастырушыға байланысты емес кез келген себептермен Жеңімпаздың жүлдені ала алмағаны үшін жауапты болмайды. Жүлде осы тармақта көрсетілген себеппен алынбаса, Жеңімпаз Жүлдені қайта талап ете алмайды. Мұндай Жүлделерді алмау бойынша шағымдар қаралмайды.
2. Ұйымдастырушы телекоммуникациялық энергетикалық желілердегі ақаулар, зиянды бағдарламалардың әсері, үшінші тұлғалардың жосықсыз әрекеттері салдарынан Акцияға қатысушылар алдындағы өз міндеттемелерін орындамағаны немесе тиісінше орындамағаны үшін жауапты болмайды.
3. Ұйымдастырушы Жеңімпаздың алған Жүлдені одан әрі пайдаланатыны үшін жауапты болмайды.

4. Жеңімпаз алған Жүлделерді айырбастауға және қайтаруға болмайды. Жүлденің ақшалай баламасы берілмейді.

5. Акция, Акциядағы айтарлықтай өзгерістер туралы ақпарат және өзге де ақпарат Банк қызметкерлеріне банктегі электрондық пошта арқылы Жедел хабарламалар (бұдан әрі - ЖХ) арқылы жіберіледі. Ұйымдастырушы Акция Ережесіне енгізілген өзгерістермен ЖХ жібере отырып (Қазақстан Республикасының қолданыстағы заңнамасына сәйкес осы Ережеде белгіленген тәсілмен), Акцияға қатысушыларға және барлық мүдделі тұлғаға хабарлай отырып, кез келген уақытта Акцияны өткізу мерзімдерін, талаптарын, жүлде қорын толықтыруға және/немесе өзгертуге, сондай-ақ жалпы Акцияны немесе оның бір бөлігін өткізуді өз қалауы бойынша тоқтатуға, тоқтата тұруға, өткізбеуге құқылы.
6. Ұйымдастырушы Акцияға Қатысушының қателіктерінің, соның ішінде соңғысы шеккен шығындардың салдарына жауапты болмайды. Ұйымдастырушы қатысушының Акцияға қатысуына байланысты туындауы мүмкін залалдарды, шығындарды және кез келген шығыстарды өтемейді және орнын толтырмайды.
7. Акцияға қатыса отырып, Қатысушы Ұйымдастырушыға және Серіктеске даусыз, сөзсіз және қайтарып алынбайтын тәртіппен Қатысушының аты-жөнін, дербес деректерін, онымен жүргізілген сұхбаттарды немесе оның Акцияға қатысуына байланысты ол туралы басқа материалдарды, соның ішінде Акцияға Қатысушының фотосуреті мен бейнежазбаларын пайдалану, сондай-ақ Акция туралы жарнамалық ақпаратты таратқан кезде Акцияға Қатысушымен жасалған фотосуреттер мен бейнежазбаларды шектеусіз мерзімге, аумақты шектемей және осындай пайдалану үшін кез келген сыйақы төлеусіз пайдалану құқығын береді.
8. Жүлдені алуға келісіп және өзінің дербес деректерін бере отырып, Қатысушы Қазақстан Республикасының заңында (бұдан әрі - Заң) көзделген қағидаларға сәйкес Акцияны өткізу мақсаттары үшін оны өткізудің бүкіл мерзіміне және ол аяқталғаннан кейін 3 (үш) жыл ішінде берілген дербес деректерді Ұйымдастырушының өңдеуіне, соның ішінде жинауына, жүйелеуіне, жинақтауына, сақтауына, нақтылауына (жаңартуына, өзгертуіне), алуына, пайдалануына, таратуына, иесіздендіруіне, бұғаттауына, алып тастауына, жоюына өзінің келісімін растайды. Қатысушы кез келген уақытта Ұйымдастырушының келесі мекенжайына тапсыру туралы хабарламасымен тиісті тапсырыс хатты жібере отырып, көрсетілген Келісімді кері қайтарып алуы мүмкін: өмірді сақтандыру компаниясы>> АҚ, Алматы қ., Достық даңғ., 188, 2-қабат.
9. Акцияға қатысу фактісі Қатысушының дербес деректерін Акция өткізу мақсатында қажет кез келген тәсілдермен және осы Ережеде көзделген тәртіппен Ұйымдастырушының және Серіктестің өңдеуіне Қатысушының еркін, нақты, ақпараттан хабардар болған және саналы түрде келісімін білдіру болып табылады.

10. Осы Ереженің мақсатында дербес деректер деп белгілі бір немесе анықталатын жеке тұлғаға (дербес деректер субъектісіне) тікелей немесе жанама қатысты кез келген ақпарат түсініледі.

11. Акцияға Қатысушының Акцияға қатысуына байланысты өз құқықтарын (оның ішінде жүлде алу құқықтарын) үшінші тұлғалардың пайдасына беруге құқығы жоқ.

12. Акцияға қатысу фактісі Акцияға Қатысушының осы Ережені оқып шыққанын және онымен келісетінін білдіреді. Ережемен келісу толық және сөзсіз.
13. Акцияның барлық нәтижелері, сондай-ақ Ұйымдастырушы мен Банктің шешімдері түпкілікті болып табылады және шағымдануға жатпайды.
14. Ұйымдастырушы осы Ережеде, Қазақстан Республикасының қолданыстағы заңнамасында көзделген жағдайларды және даулы жағдайлар туындаған кезді қоспағанда, Акцияға қатысушылармен жазбаша келіссөздерге немесе өзге де байланысқа түспеу құқығын өзіне қалдырады.

15. Осы Ережеде көзделмеген жағдайларда, Акцияны Ұйымдастырушының шешімі түпкілікті болады.

16. Банк осы Акцияға қатысушының әрекеттерін/әрекетсіздігін алаяқтық, жосықсыз немесе осы Акцияға қатысу талаптарын өзге түрде бұзады деп санаса, Банк осындай Акцияға қатысушыға ескертусіз және себептерін түсіндірместен ұтысты бермеу және оның күшін жою құқығын өзіне қалдырады.

17. Осы Ереже Акцияны өткізу тәртібін белгілейді және Акцияның ресми құжаты болып табылады.
ПРАВИЛА ПРОВЕДЕНИЯ АКЦИИ ПО НЕНАКОПИТЕЛЬНОМУ СТРАХОВАНИЮ ЖИЗНИ ЗАЕМЩИКА

I. ОБЩИЕ ПРАВИЛА
1. Настоящие Правила определяют порядок и условия проведения Акции по
ненакопительному страхованию жизни среди заемщиков, оформивших беззалоговый кредит со страхованием жизни (далее - ). Победители Акции будут определены в соответствии с критериями, изложенными в настоящих Правилах.

2. Общие понятия, используемые в настоящих Правилах:
Банк - АО .
Организатор Акции - АО